Nýliðastarf Hjálparsveit skáta Garðabæ

Á hverju hausti hefst nýliðaþjálfun í einni öflugustu hjálparsveit landsins, Hjálparsveit skáta Garðabæ. Er komið að þínu tækifæri?
Við hefjum veturinn þann 1. september með kynningarfundi fyrir nýliða í húsakynnum okkar JÖTUNHEIMUM við Bæjarbraut í Garðabæ kl. 20:00.

Það verður farið yfir það starf sem bíður tilvonandi nýliða okkar og dagskrá vetrarins kynnt. Á sama tíma verða félagar úr sveitinni í húsinu tilbúnir til að svara hverri þeirri spurningu sem þú kannt að hafa yfir léttum veitingum.

Nýliðastarfið hjá okkur skiptist í tvö tímabil, nýliða 1 og nýliða 2.

Nýliðar 1
- nefnast þeir nýliðar sem eru á fyrra tímabili sínu innan sveitarinnar og eru í grunnþjálfun. Þetta tímabil varir 12 mánuði.

Nýliðar 2
- nefnast þeir nýliðar sem eru að ljúka þjálfun sinni og starfa því á þeim tíma með föstu flokkum sveitarinnar. Þetta tímabil varir í 6 mánuði og lýkur á aðalfundi sveitarinnar í mars þegar nýliðar 2 skrifa undir eiðstaf sveitarinnar og skráðir eru á útkallsskrá. Þá teljast fullgildir meðlimir.