Algengar spurningar og svör

Fyrir hverja er eiginlega nýliðastarfið?
Alla, innan sveitarinnar starfa kennarar, rafvirkjar, lögfræðingar, framhaldsskólanemar, fjölmiðlafræðingar, forritarar, bankamenn, smiðir, verkfræðingar og húsmæður. Fjölbreyttur bakgrunnur sveitarmeðlima er okkar stærsti kostur og við viljum halda fast í þessa skemmtilegu fjölbreytni.

Hvað þarf maður að vera gamall til byrja?
Þú þarft að verða 18. ára á árinu eða eldri. Það er hinsvegar enginn of gamall til að hefja starf með sveitinni.

Er nýliðaprógrammið ekki erfitt?
Það er ákveðin skuldbinding sem fólk gengst undir við það að hefja starf með sveitinni. Að sama skapi skuldbindur sveitin sig til að búa þig undir virkt starf með sveitinni á sem besta máta sem við getum. Það má reikna með einni helgarferð í hverjum mánuði, styttri dagsferðum um helgar annan hvern mánuð og öllum þriðjudagskvöldum.

Hvenær eru nýliðafundir?
Fyrsti fundur fyrir nýliða og jafnframt kynningarfundur fyrir veturinn verður þann 30. ágúst nk.

Er það mjög dýrt að gerast nýliði?
Nei, þeir sem hefja nýliðaþjálfun þurfa að eiga sjálfir almennan útivistarbúnað til að byrja með. Þegar á líður veturinn þá er þörf á meiri útbúnaði en oftar en ekki geta nýliðar fengið lánaðan útbúnað hjá eldri félögum til að byrja með. Við undirskrift (eftir 18 mánuði) þurfa félagar að hafa eignast sinn búnað sjálfir.

Hvað tekur það langan tíma að gerast fullgildur félagi?
Nýliðaþjálfunin hjá okkur tekur 18 mánuði, á þeim tíma viljum við tryggja að þú hafir sem besta þjálfun til að takast á við fjölbreytt og krefjandi verkefni sem bíða þín í framtíðinni. Á þeim tíma hefur þú einnig kynnst sveitarmeðlimum og lært hvernig sveitin vinnur.

Fara nýliðar í útköll?
Nei, nýliðar fara ekki í útköll á meðan þeir eru í nýliðaþjálfun. Við viljum ekki setja okkar meðlimi í erfiðar aðstæður nema þeir séu fullkomlega í stakk búnir til að takast á við þær.

Hvernig skrái ég mig?
Komdu á kynningarfundinn þann 30. ágúst nk. kl. 20:00 eða sendu póst á stjorn@hjalparsveit.is og gefðu okkur helstu upplýsingar um þig s.s. nafn, kennitölu, símanúmer og e-mail.