Strandað Skip fyrir utan Sandgerði

20. desember 2006

Klukkan 07:25 í gærmorgun barst útkall rauður eftir að bát sem skipverjar af danska varðskipinu Triton voru í hafði hvolft og skipverjar lent í sjónum. Voru mennirnir að reyna að aðstoða skipverja Wilson Muuga sem strandaði fyrr um nóttina sunnan Sandgerðis. Garðar 1 og Garðar 2 fóru úr húsi um tuttugu mínútum síðar á forgangi með 9 manns og um áttaleytið fór Garðar 3 úr húsi með 7 manns til viðbótar. Sinntu hjálparsveitarmenn HSG margvíslegum verkefnum og má þar telja fjöruleit, aðstoð við að koma línu í Wilson Muuga, móttaka skipverja úr þyrlu Landhelgisgæslunnar og aðstoð við að setja upp sjúkratjald. Alls tóku 18 manns þátt í aðgerðinni sem stóð í um 10 klst.

... tilbaka