Böruburður í Heiðmörk

18. nóvember 2007

Sveitin var kölluð út rétt fyrir kl 17 í dag ásamt Björgunarsveit Hafnarfjarðar til þess að aðstoða SHS við fluttning á ungri stúlku sem hafði snúið ökla. Stúlkan var stödd í Heiðmörk og var ekki hægt að komast að slystað með bíl. 12 manna hópur var nýkominn niður í hús eftir vel heppnaða ferð þegar útkallið barst og þess vegna var viðbragðstími mjög lítill. Alls tóku 11 manns þátt í aðgerðinni frá HSG og voru fjórhjól sveitarinnar einnig kölluð út. stúlkan var borin á börum stutta vegalengd, og sett í sjúkrabíl neyðarsveitar SHS sem flutti hana á slysadeild. Aðgerðum lauk svo rúmlega klst síðar. Fjölskylda stúlkunar sendir öllum þeim sem komu að björguninni þakkarkveðjur.

Spottavinna í Krana

17. nóvember 2007

Sveitin var kölluð út rétt fyrir miðnætti til þess að fjarlægja stórt auglýsingaskilti af Krana á vinnusvæði við Glæsibæ. Mikil hætta stafaði af skiltinu þar sem það var farið að losna af og gæti fokið út á veg. Sveitin sendi tvo undanfara á staðinn og lögðu þeir af stað kl 00:05. Aðgerðum lauk svo rétt eftir kl 1.

Óveðursútkall

22. október 2007

étt eftir kl 17 í dag var sveitin sett í viðbragðsstöðu vegna óveðurs sem gengur yfir höfuðborgarsvæðið þessa stundina. Beðið var um 5 manna hóp til þess vera klárir í húsi ef einhver verkefni skyldu detta inn. Þessa stundina eru um 13 björgunarmenn tilbúnir til þess að ganga í ýmiskonar verkefni. Alls hafa 3 verkefni komið til okkar síðan við vorum boðaðir út.

Kl 20 var sveitin afboðuð þar sem veðrið hafði skánað þónokkuð.

Leit að manni í Sogi

19. september 2007

Eins og heyrst hefur í kvöldfréttum féll maður út í Sogið fyrr í dag og hefur verið leitað af honum stíft síðan þá. Björgunarsveitir af svæði 1 voru svo kallaðar út rétt eftir kl 20 og sendum við 12 manns í aðgerðina á tveimum bílum og einu fjórhjóli. Björgunarmenn sneru aftur upp í Jötunheima um kl 3 eftir miðnætti eftir árangslausa leit. Leit hefur haldið áfram af björgunarmönnum af nærliggjandi svæðum.

Leit á Öræfajökli

27. ágúst 2007

Nú er nýlokið leit að tveimur þýskum ferðamönnum á Öræfajökli. Þrír undanfarar flugu austur á Höfn á fimmtudag með flugvél LHG auk þess sem Garðar 2 kom austur um kvöldið. Tveir undanfarar og bílstjórar bættust við aðfaranótt laugardags. Leitarsvæðið var gríðarstórt og erfitt yfirferðar, stórar sprungur, svelgir og falljöklar. Leitarmenn stóðu sig frábærlega í erfiðum og krefjandi aðstæðum.