Útkall Gulur - Ökklabrot við Glym

22. júlí 2010

Undanfarar sveitarinnar voru boðaðir út vegna ökklabrots við Glym.  Undanfarar sveitarinnar voru allir utanbæjar og gátu ekki sinnt kallinu.

Útkall Gulur - Innanbæjareit í Reykjavík

10. júlí 2010

Sveitin var kölluð út kl.12:34 til leitar innanbæjar í Reykjavík. Um 20 mínútum síðar voru 9 manns farin úr húsi, þar af tvö hundateymi. Leitað var akandi, gangandi og á reiðhjólum. Maðurinn fannst gangandi í Fossvogi.

Útkall Gulur - Leit að Spánverjum við Hrafntinnusker

06. júlí 2010

Hálendisgæsla sveitarinnar leitaði að Spánverjum sem skiluðu sér ekki á réttum tíma í Álftavatn frá Hrafntinnuskeri.  Leitað var fótgangandi, á bíl og á fjórhjóli.

Útkall Gulur - Leitað að manni í Landbroti

11. júní 2010

Sveitin var kölluð kl. 10:40 til leitar að manni sem fór úr sumarhúsi og skilaði sér ekki til baka. 3 bílar, 2 fjórhjól, 3 hundar og 11 menn fóru úr húsi, en maðurinn fannst heill á húfi.

Útkall Rauður - Maður hrapaði í Látrabjargi

09. júní 2010

Undanfarar sveitarinnar voru kallaðir út kl. 16:45 vegna manns sem hrapaði í Látrabjargi.  3 undanfarar og bílstjóri fóru úr húsi.  Maðurinn fannst látinn í fjörunni fyrir neðan bjargið.